Austurlamb

Svo virðist sem veitingamenn í betri veitingahúsum telji sig ekki fá lengur lambakjöt af þeim gæðum, sem þeir nutu fyrir einum eða tveim áratugum. Um það vitnar bréf tveggja matreiðslumeistara í Reykjavík til allra afurðastöðva og til þeirra samtaka bænda, sem málið varða.

Kvartað er yfir því að lambakjötið sé í sumum tilfellum seigt, morkið og bragðlítið þrátt fyrir fagmannlega meðhöndlun fyrir eldun. Þetta er í bréfinu meðal annars rakið til rangrar meðferðar sláturfjár, hraðrar kælingar eftir aflífun og stuttan kælitíma fyrir frystingu.

Í tilefni af þessu vill Austurlamb taka fram að frá upphafi hafa gæði lambakjötsins frá okkur verið tryggð. Svo er fyrir að þakka ágætu samstarfi við sláturleyfishafa, sem góðfúslega hafa látið í té þá þjónustu, sem færir viðskiptavinum okkar hámarksgæði.

Enda hafa Austurlambi engar kvartanir borist vegna lakra bragðgæða allt frá því að starfsemin hófst fyrir 8 árum. Sakar heldur ekki að minna enn einu sinni á að í hvert skipti sem hráefni frá Austurlambi hefur verið notað í kokkakeppni, hefur viðkomandi matriðslumaður fengið 1. verðlaun.

Sérverkað lambalæri eða hryggur er tilvalin páskasteik.

Spyrjið þá sem reynt hafa!

Eftirspurn eftir gæðum íslenskra matvara er sífellt að aukast og mikill metnaður er lagður í vandaða framleiðslu í landinu. Á það ekki síst við lambakjötið, sem er í stöðugri þróun. Þar hefur Austurlamb haft nokkra forystu varðandi sérstakt val gæðaflokka og sérstaka meðferð í kæli fyrir frystingu.

Ekki síður fer eftirspurnin vaxandi eftir upprunaþekkingu. Hjá Austurlambi geta viðskiptavinir ekki aðeins valið bónda til viðskipta, heldur einnig séð meðferð búfjár, lýsing á beitarlöndum, heytegundir svo dæmi séu tekin.

Bændurnir á Blöndubakka, Krossi, Brekkubæ, Klausturseli og Unaósi búa svo vel að eiga enn birgðir frá liðnu hausti. Nú pökkuðum við öllu í vacuum strax eftir sundurtöku til þess að halda hámarksgæðum sem lengst.

Gjörið þið svo vel.