Austurlamb

Austurlamb merkir lambakjöt sem er:

• sérverkað. Þriggja sólarhringa kæling eftir aflífun fyrir frystingu.
• upprunatengt. Framleiðandi og framleiðsluaðferð er þekkt.
• sérvalið. Vöðvamikið og fitulítið kjöt.

Austurlamb hóf starfsemi sína haustið 2003 og hefur verið í stöðugri þróun frá upphafi. Hefur salan vaxið hægt ár frá ári, og virðist eftirspurn enn vaxandi.

Austurlamb býður upp á að hinn almenni neytandi geti keypt úrvals lambakjöt frá tilteknum bændum og eigi þess jafnframt kost að kynnast framleiðsluaðferðum (búskaparháttum) seljenda, sem oftar en ekki eru taldar hafa áhrif á gæði kjötsins.

Viðskiptavinum okkar ber saman um að verulegur gæðamunur finnist milli Austurlambs og annars lambakjöts á markaðnum.

Líka er hægt að velja stærð og gæðaflokka, eins og er rækilega lýst hér á heimasíðunni.

Nýjungar haustsins eru fyrst og fremst fólgnar í fjölbreytilegri framsetningu, en nú gefst fólki í fyrsta sinn kostur á því að kaupa Austurlamb án vacuumpökkunar sem þýðir aðgengilegra verð. Einnig að kaupa heila skrokka sundurtekna eftir ósk kaupenda. Þá fylgja allir hlutar skrokksins, sem annars hafa ekki verið í boði, en kílóverð að sjálfsögðu verulegra lægra.

Einn bóndi hefur bæst í hóp seljanda, (sjá fyrri frétt) og er hann boðinn velkominn um leið og Austurlambsvinir eru hvattir til að reyna viðskipti við hann.

• upplýsingar um Blöndubakka hjá Austurlambi