Kaupa Austurlamb

Óvissa hjá Austurlambi

Senda í tölvupóst Prentvæn útgáfa

 

Ágætu Austurlambsvinir og aðrir lesendur!

Nú eru blessuð lömbin komin á græn grös og bændur bíða uppskerunnar að hausti en þá munu þeir bjóða úrvalsvöru á neytendamarkað sem endranær.

Austurlamb hefur frá upphafi verið í fararbroddi hvað trygg gæði snertir og vandaða upprunamerkingu, og hefur sérstaða okkar vöru byggst á þrennu:

  1. Sérvaldir gæðaflokkar fitu- og vöðvahlutfalls.
  2. Aðeins seldir þeir hlutar skrokksins, sem teljast best neysluvara.
  3. Þriggja sólarhringa verkun í kæli fyrir frystingu.

Í fjórða lagi má nefna trausta upprunatengingu og upplýsingar um framleiðsluaðferðir seljanda.

Þegar þetta er ritað, á þjóðhátíðardag 2014, hvílir nokkur óvissa yfir framtíð Austurlambs og veldur þar einkum tvennt.

  1. Vottuð kjötvinnsla á Austurlandi er ekki lengur fyrir hendi.
  2. Aðstæður umsjónarmanns hafa breyst þannig að hann hefur ekki tök á að sinna verkefninu.

Því eru horfur á að þetta sé síðasta opinber tilkynning á heimasíðu okkar. Hún hefur nú lifað í tæp 12 ár, verið í brautryðjendahlutverki á sínu sviði og vakið mikla eftirtekt neytenda, jafnvel út fyrir landssteinana. Allan tímann hafa heimsóknir á www.austurlamb.is verið furðu margar miðað við að verkefnið er árstíðabundið og takmarkað við eina vörutegund. Margt er þó óunnið á þessum vettvangi og ef einhver þarna úti er fús til að taka við keflinu, væri það okkur stofnaðilum Austurlambs hrein ánægja.

Með góðri kveðju og þökk fyrir trausta samfylgd.

 
Deila |
Facebook

Framleiðendur

Framleiðendur UnaósBrekkubærKrossKlausturselÚtstekkurBlöndubakki

Tenglar

Snæfell vöru og verðlisti sumar 2011
Austfirskar krásir - matur úr héraði
Kjötbókin - upplýsingaveita um íslenskt kjöt

Póstlisti